இந்நாள் மட்டுமல்ல
எந்நாளும் தவிர்க்க
முடியாது நட்பு எனும்
மூவெழுத்து
நடப்பில் நட்பில்லை
உள்ளதே நட்பில்லை
எனவிருக்கும் சில நடப்பை
இல்லை இல்லை
நட்பை கூடாது தவிர்த்தால்
மேடான வாழ்வு தரும்
சீரியவற்றை சீர்த்தூக்கி இயம்பாமல்
சிந்திக்க விடாமல்
சொல்வனக்கெல்லாம் தலையாட்டி
சொன்ன சொல்லை தான் புகழ்ந்து
பின் அலையும் கூட்டமென்று
ஒரு கும்பல் தானுமுண்டு
நட்பென்பர் இவருமே
நம்பாதே கண்மணியே
இனிப்பாக பேசுவார்
தப்பை நீ செய்தாலும்
சரியென்னும் நட்பு இது
கூடா நட்பு இது
முன் பார்க்க இனிக்கும்
பின் சென்றே பழிக்கும்
இவர்தம் நட்பு கூடாதே
உள்ள குறைகளை எடுத்தியம்பி
உன்னைச் சீராக்க ஓராயிரம்
அவமானம் நீ செய்தும்
உன் நலம் பேண
உன்னிடமே கெஞ்சும்
கொஞ்சும்
மிரட்டி பார்ப்பது மட்டுமல்ல
வீட்டில் உள்ளோருடனும்
சேர்ந்து உன்னை மாற்ற
முயற்சிக்கும் நட்பை
அறிந்திடுவாய்
பாகை போல் கசந்தாலும்
பகையாக எண்ணாதே
பழகியே காணிடு
பக்கத்துணை இவரென்று
