அகனலர் - 36.2
தான் காலையில் அவள் கேட்டுக்கொண்ட பின்பும் அலுவலகத்திற்கு அழைத்து வராததால் தான் மனைவி தன் மேல் கோபமாக இருக்கிறாள் என்று எண்ணியவன் அவளிடமும் அதையே கூறியிருக்க, அலர்விழியோ அவன் வார்த்தைகளை சட்டை செய்யாது நாற்காலியில் நன்கு சாய்ந்து அமர்ந்து எழிலையே துளைக்கும் பார்வை பார்த்துகொண்டிருந்தாள்.
மழை விடாது மேலும் வலுப்பதை கண்டவன் முடிந்தவரை அவளை அழைத்துக்கொண்டு விரைவாக கிளம்பிவிட வேண்டும் என்றிருக்க.., அலர்விழி அவனிடம் 'உட்கார் மாமா பேசணும்' என்று கூறவும், அவளை திரும்பி பார்த்தவன் குத்தீட்டியாய் துளைக்கும் தன்னவளின் தீர்க்கமான பார்வைக்கு கட்டுண்டு 'ஏன்.. எதற்கு..' என்ற மறுகேள்வியே எழுப்பாமல் அவள் எதிரே அமர்ந்தான் அகனெழிலன்.
இருகரங்களையும் மேஜை மேல் கோர்த்து அதில் நாடியை தாங்கியவள் விழிகளில் என்றுமில்லாத கலவையான உணர்வுகள் தென்பட அதை படிக்க முடியாமல் சில நொடிகள் திண்டாடி போனான் எழிலன்.
ஆம் அவளெதிரே அமர்ந்த எழிலின் பார்வையும் அலரின் மீதுதான் இருந்தது... காலை வரை அவள் கண்களில் அவன் கண்ட அலைப்புறுதலும், தவிப்பும், தேடலும் முற்றிலுமாக நீங்கியிருக்க.., வரையறுக்க முடியாத திடத்துடனான சிறு சீற்றம் அவள் நயங்களில் விரவி இருப்பதை கண்டவனின் முகமும் தீவிரத்தை தத்தெடுத்தது.
கனத்து போயிருந்த மனதையும்.., எழிலை கண்டதும் இதுவரை கொண்டிருந்த மனக்கிலேசங்களுக்கு அவனையே வடிகாலாய் கொள்ள எண்ணிய தன்னையும் சில நொடிகளில் மீட்டேடுத்தவள் நேரடியாக அவனிடம்..,
"Justice delayed is justice denied"க்கு அர்த்தம் தெரியுமா உங்களுக்கு..??? என்று கேட்க..
சம்பந்தமே இல்லாமல் இப்போ எதற்கு இந்த கேள்வி என்று புரியாதவன், 'எதுக்கு கேட்கிற, புரியலை' என்றான்.
தலையை இடப்புறம் சாய்த்தவள், "ஹ்ம்ம்... எதுக்குன்னு அப்புறம் சொல்றேன், பட் அதுக்கு அர்த்தம் என்னன்னு தெரியுமா..??" என்று ஆழ்ந்த குரலில் மீண்டும் கேட்க..,
அவள் குரலில் தொனித்த கடுமைக்கு கட்டுபட்டவன் தெரியும் என்பதாக தலையசைத்து "தாமதமாக வழங்கப்படும் நீதி மறுக்கப்பட்ட நீதி..." என்றவன், ஆனா இப்போ எதுக்கு அதைபத்தி கேட்கிற...? என்றவனின் பார்வை மழையையும் தன்னவளையும் மாறி மாறி பார்த்து கொண்டிருந்தது.
அவன் கேள்வியை புறம் தள்ளியவள் சற்று அழுத்தமான குரலில் "எக்ஸாக்ட்லி.., என்று அவன் பதிலை உறுதி செய்தவள் இப்போது கரங்களை மேஜை மீது கோர்த்து கண்கள் இடுங்க, "ஆனா இது தெரிஞ்ச உங்களுக்கு, எப்படி தாமதமாக வழங்கப்படும் நீதி மறுக்கப்படதாகுமோ..!! அதேபோல இங்கு மறைக்கப்படும் உண்மைகளும்.., மறுக்கப்படும் நீதிக்கு துணைபோகும்ன்னு தெரியாம போச்சு..???" என்று முடிக்கையில் அவளையும் மீறி குரல் உயர்ந்திருந்தது.
அவள் அவ்வாறு கூறியதும் எழிலுக்கு சில நொடிகள் எடுத்தது அவள் விளக்கத்தை கிரகிக்க... சத்தியமாக அவனுக்கு அவள் கேள்வியின் நோக்கம் எதனால் என்றும் புரியவில்லை, மேலும் அவள் விளக்கம் யாருக்கானது என்றும் கண்டறிய முடியவில்லை, அதனால் அவளிடம்,
"என்ன உண்மை..?? யார் மறைச்சா..?? சுத்தி வளைக்காம நேரடியா சொல்லுடி" என்றான் ஜன்னல் வழியே குறையாத மழை மீது பார்வை பதித்தவாறு..,
"சோ உங்களுக்கு புரியலை அப்படி தானே..??" என்று நிமிர்ந்து அமர்ந்து புருவம் உயர்த்தி கேட்கவும்,
அவள் செயலில் பொறுமை இழந்து போனான் அகனெழிலன். ஆம் காலை விட்டு சென்றதில் கோபம் என்றால் இந்நேரம் அதற்க்கு சண்டை போடுவாள் சமாதனபடுத்தி அழைத்து செல்வோம் என்று வந்தால் அவளோ புரியாதவண்ணம் பேசுவதை கண்டவன், "இதோபாரு அவியை தாமரைகிட்ட விட்டுட்டு வந்திருக்கேன் எந்திரிச்சான்னா உன்னை தான் தேடுவான்.., மழை இன்னும் அதிகமாகும் போல எதுவா இருந்தாலும் வீட்ல போய் பேசிக்கலாம் கிளம்பு" என்று எழுந்து நின்றான்..,
அலரோ "நான் இன்னும் பேசி முடிக்கலை அண்ட் இன்னும் என் கேள்விக்கு இன்னும் பதிலும் வரலை" என்றாள் அமர்ந்திருந்த இடத்தை விட்டு அசையாமல் தீர்க்கமான குரலில்.,
'உப்ப்ப்' என்று இதழ்களை குவித்து காற்றை இழுத்து விட்டவன் தலையை கோதிக்கொண்டு மீண்டும் அமர்ந்தவாறே, "என்ன கேட்கிறன்னே புரியலைடி... புரிஞ்சாதானே பதில் சொல்ல.." என்றான்.
"ஓகே பைன்.. நேரடியாவே கேட்கிறேன், எதுக்கு சரண் மாமா சித்தப்பா பத்தி உங்களுக்கு தெரிஞ்ச உண்மைகளை என் கிட்ட இருந்து மறைச்சிங்க..??" என்றவள் சிறு இடைவெளி விட்டு "இப்..போ பு..ரி..யு..தா..?" என்று ஒவ்வொரு எழுத்துக்கும் அழுத்தும் கொடுத்துக்கொண்டே புருவம் உயர்த்த..,
பிரகாசம் பற்றி கேட்கிறாள் என்று எண்ணிகொண்டவன், "மனுஷனா அவனெல்லாம்..?? வெளில சொல்ற மாதிரியான விஷயத்தையாடி உன் சொத்தப்பன் பண்ணியிருக்கான்.., என்று இன்றும் பிரகாசத்தின் செயல்கள் மீதான் கொதிப்பு எழிலிடம் அடங்க மறுக்க, அவன் பண்ணினதெல்லாம் தெரிஞ்சா.. "என்று தொடங்கியவனை அலரின் உரத்த குரல் தடுத்து நிறுத்தியது.
"தெரியாது, தெரியவும் வேண்டாம்.." என்று ஒரு கணம் தன்னை மறந்து உணர்ச்சி வசப்பட்டு குரலை உயர்த்தியவள் பின் தன்னை கட்டுபடுத்தி கொண்டு அவனிடம், "என் சித்.." என்று ஆரம்பித்தவள் ஒரு கணம் கண்களை மூடி திறந்து தலையை இருமருங்கிலும் ஆட்டி இல்லை "மினிஸ்டர் பிரகாசம்" என்ற வார்த்தைக்கு வலுகூட்டியவள் எழிலிடம்,
"மினிஸ்டர் பிரகாசம் என் மாமாவை என்ன எல்லாம் பண்ணி இருக்க கூடும்ன்னு அனுமானிக்க முடியாத அளவுக்கு நான் ஒன்னும் முட்டாள் இல்லை.. அதுதான் அவரே அங்க வாக்குமூலம் கொடுத்துட்டாரே அதுல இருந்து ஓரளவுக்கு நான் நடந்ததை கெஸ் பண்ணிட்டேன்.." என்றவள் 'பட் தட்ஸ் இர்ரிலவன்ட் ஹியர்' என்றுவிட்டு அவனிடம்,
"எனக்கு அதை பற்றி எதுவும் தெரியகூடாதுன்னு தானே நெனச்சிங்க.., அதுதானே உங்களுக்கும் வேணும்..!! அதுக்காக தானே கூடவே இருக்கிற என்கிட்ட அட்லீஸ்ட் ஒரு தகவலா கூட இதை பகிர்ந்துக்காம எட்டு மாசமா கஷ்டப்பட்டு ரகசியத்தை காப்பாத்தியிருக்கிங்க...", என்றவள் எழில் ஏதோ மறுத்து கூற வரவும், வலக்கரம் நீட்டி அவனை தடுத்தவள்,
"வெல் லெட் இட் பி..!! ஐ வில் நெவெர் போர்ஸ் யூ டு டிஸ்க்ளோஸ், ஆல் தி வே ஐ வான்ட் டு க்நொவ் இஸ் ஒன்லி தி ரீசன் ஆப் யுவர் சீக்ரெசி" (Well let it be..!! I'll never force you to disclose.., all the way I want to know is only the reason of your secrecy) 'ஹ்ம்ம் சொல்லுங்க எதுக்காக மறைச்சிங்க' என்று அலர்விழி குரலை உயர்த்த,
ஒருநொடி எழில் திகைத்து தான் போனான்.
ஆம் அவளை பற்றி நன்கு அறிந்தவன் தான் அவன்..!! ஆனால் அவளின் இன்றைய இந்த முகமும் அவதாரமும் அவனுக்கே புதிது..!! இதுவரையில் அவன் கண்டிராத அசாத்திய நிமிர்வும் நிதானமும் அவளிடம், அனாவசிய வார்த்தையாடல் இன்றி அனைத்தும் தேர்ந்தெடுக்கப்பட்டு பிரயோகிக்கப்படும் வார்த்தைகள்., அதிலும் இப்போது அவள் உணர்ச்சி வசப்படவில்லை, விழிநீர் சிந்தவில்லை, ஆர்பாட்டம் எதுவுமின்று கூர்மையான பார்வை அதிலும் அவள் குரலில் உணர்வுகள் முற்றிலும் களையப்பட்டு அழுத்தம் மட்டுமே மிகுந்திருந்தது.
எழில் புரிந்து கொண்டான் "இப்போது இங்கு அவள் தன் மனைவியாக அல்லாமல் ஒரு வழக்கறிஞராக தன் எதிரே அமர்ந்து சரணின் விடயத்தை ஆராய்கிறாள்" என்பதும் அவள் கோபத்திற்கான காரணம், தான் அவனை பற்றிய உண்மையை மறைத்தது என்பதும் புரிபட..,
தன்னிலை விளக்கம் அளிக்க வேண்டி அவளிடம், "இதோ பாரு அமுலு என் சம்பந்தப்பட்ட எதையாவது இதுவரை நான் மறைச்சிருக்கேனா..??? அப்படி இருந்தா நீ கேள்வி கேளு நான் பதில் சொல்றேன்.. ஆனா அடுத்தவங்க தன்னோட கஷ்டத்தை என்கிட்டே பகிர்ந்து அதை வெளியில் சொல்ல வேண்டாம்ன்னு சொன்னதுக்கு அப்புறமும் நான் அதை பத்தி பேசுறது நல்லா இருக்காது.. அதுமட்டுமில்லை அவங்க என் மேல வச்சிருக்க நம்பிக்கையை, அவங்களுக்கு தெரியபோறது இல்லைன்னாலும் என் மனசறிஞ்சி நான் உடைக்கிறதா தானே அர்த்தம்..!! என்னால அப்படி செய்ய முடியாது, அதுவும் இல்லாம..." என்று தொடர்ந்தவனை கரம் கொண்டு இடையில் நிறுத்தியவள்..,
"வெல் செட்.. பட் உங்களுக்கு ஒரு விஷயம் சொல்லட்டுமா..??" என்றவள் ஒரு நொடி நிறுத்தி விழிகள் இடுங்க அவனை பார்த்தவள்,
"இங்க பெரும்பாலான விஷயத்துல தப்பு பண்றவங்களை விட அந்த தப்புக்கு துணை போறவங்களும் அதை மறைக்க முயல்பவர்களும் தான் முதல் குற்றவாளி..", என்றவள் "ஹ்ம்ம் புரியிற மாதிரி சொல்லனும்ன்னா, நேத்து உங்களுக்கு ஒரு நியூஸ் ஆர்ட்டிகள் காட்டினேனே நியாபகம் இருக்கா", என்று கேட்கவும் எழிலுக்கும் அவள் எதை குறிப்பிடுகிறாள் என்று புரிந்தது.
ஆம், "ஒரு பதின்பருவ பள்ளி மாணவி பல நாட்களாக ஆசிரியரின் பாலியல் தொல்லைக்கு ஆட்கொள்ளப்பட்டு அதை எதிர்க்கவும் முடியாமல் வெளியில் சொல்லவும் முடியாமல் தற்கொலை புரிந்திருந்தாள், ஆனால் அவளின் தோழி அப்பெண்ணின் இறப்பிற்கு பின்பு தன்னிடம் அப்பெண் இதை பகிர்ந்திருந்தாள்.., ஆனால் பெற்றவர்கள், சமூகத்தின் மீது கொண்ட பயத்தில் இதை பற்றி யாரிடமும் கூற வேண்டாம் என்று அவளிடம் சத்தியம் பெற்றிருந்ததாகவும் அதனால் அத்தோழி பெண்ணும் இதுவரை யாரிடமும் அதை பற்றி கூறாமல் ரகசியம் காத்ததாகவும் கூறியிருந்தாள்"
அலர் அதை இங்கே மேற்கோள் காட்டவும் எழிலுக்கும் மெல்ல புரிபட தொடங்கியது
"இப்போ புரியுதா அந்த பொண்ணு உண்மையை மறைச்சதால ஒரு உயிர் போயிருச்சி... அந்த பொண்ணு இறந்ததுக்கு அப்புறம் இந்த உண்மையை சொன்னதால செத்து போன பெண்ணை உயிர்பிக்க முடியுமா சொல்லுங்க..?? ஐ அக்ரி அந்த ஆசிரியருக்கு தண்டனை கிடைக்கும் ஓரளவுக்கு விழிப்புணர்வு கிடைக்கும் மத்தவங்களை காப்பாற்றலம்ன்னு சொன்னாலும் அதை ஒரு உயிரை விலை கொடுத்துதான் வாங்கனுமா சொல்லுங்க...???"
அதேதான் இங்கயும் ஒருவேளை மாமா சொல்ல வேண்டாம்ன்னு சொல்லி நீங்க அதை மறைச்சி, இப்போ நடந்ததை சொல்ல போறதால எதையாவது மாத்திட முடியுமா..??? அதைவிட கொடுமை என்னன்னா இறந்து போன அந்த பொண்ணோட நிலை தான் இப்போ என் மாமாக்கும்.. என்னத்தான் சித்தப்பாக்கு தண்டனை கிடைச்சாலும் மாமாவை மனசை உயிரோடு கொன்ன அப்புறம் அதை செயல் படுத்தி என்ன பிரோஜனம்..??" என்று அலர் கூறவும் ஸ்தம்பித்து போனான் அகனெழிலன்.
அவன் கற்பனைக்கும் அப்பாற்பட்ட கோணம் இது..!! ஆம் சரண் அன்று தான் கொண்ட வலிகள் தன்னோடு போகட்டும், இனி கீர்த்தி அவன் வாழ்வில் முடிந்து போன அத்தியாயம் அவளை நெருங்க போவதில்லை அதே சமயம் வேறு பெண்ணையும் மணக்க போவதில்லை என்று திடமாக உரைத்தவன்..., நடந்து முடிந்த கொடூரங்கள் மற்றவர்களுக்கு தெரியவருகையில் முக்கியமாக அது நாதன் வளர்மதி இடையே பெரும் விரிசல் உண்டாக்க வாய்ப்பிருப்பதாகவும் அதே சமயம் நடந்தவை யார் மூலமாகவாவது அவன் அன்னைக்கு தெரியவந்தால் அவர் வயதிற்கு நிச்சயம் தாங்க மாட்டார். தந்தையை இழந்தவன் அன்னையையும் இழக்க தயாராக இல்லை என்று கூறியதாலேயே எழில் யாரிடமும் பகிரவில்லை.
ஆனால் அவன் பகிர்ந்திருக்க வேண்டுமோ..!! அலரிடமாவது..!! என்ற எண்ணம் இப்போது எழாமல் இல்லை.
அலர்விழி தொடர்ந்து அவனிடம், "இப்போ புரியுதா ஒரு உண்மையை மறைக்கிறது எவ்ளோ பெரிய தப்புன்னு..!! ஏன்னா இங்க நீங்க மறைக்கக்கூடிய ஒரு உண்மை குற்றவாளியை நிரபராதி ஆக்கி இன்னும் பல குற்றங்களுக்கு வித்திடும்.. அதே போல் நிரபராதியை குற்றவாளி ஆக்கி அவன் மட்டும் இல்லாம அவனோட குடும்பத்தோட மொத்த நிம்மதி, சந்தோசம், கனவு எல்லாத்தையும் பறிச்சி நிலை குலைய செய்து மிச்ச சொச்ச வாழ்க்கையையும் பாழாக்கிடும்.. என்று கூற விழியகலாது தன்னவளை பார்த்திருந்தவனின் மனதினுள் பெரும் சஞ்சலம் மூண்டிருந்தது.
"அதேபோல இங்க நீங்க மறைச்சது மாமா கீர்த்தியோட முடியக்கூடிய விஷயத்தை இல்லை. இதுல எத்தனை குடும்பத்தோட நிம்மதி, சந்தோசம் அடங்கி இருக்கு தெரியுமா...??? அப்பா ஏற்கனவே மாமாவை வெறுத்துட்டாங்க, அதான் அன்னைக்கு மாமா பேசினதைகூட சரியா புரிஞ்சிக்காம திரும்ப அவர அடிக்க போயிட்டாரு.., அம்மாக்கு அங்க நடந்ததெல்லாம் தெரிஞ்சி நொறுங்கி போயிட்டாங்க.., இன்னும் சித்தி சித்தப்பாங்களுக்கு எல்லாம் தெரிஞ்சதுனா யார் எப்படி நடந்துபங்கன்னே சொல்ல முடியாது... அப்படி சிக்கலாக்கி வச்சிருக்கிங்க என்றவளின் குரலில் இப்போது அப்பட்டமாக எரிச்சல் மிகுந்திருந்தது, ஒரு நொடி அவனை கூர்ந்தது பார்த்தவள் மீண்டும் அவனிடம்..,
"இவ்ளோ ஏன் நீங்க மட்டும் இதை மறைக்காம இருந்திருந்தா நாம பிரிஞ்சிருக்க வேண்டிய அவசியமே இல்லாம போயிருக்கும்.. சொல்லப்போனா நீங்க மறைச்சதோட விளைவு தான் இவ்வளவு பூதாகரமாகி எல்லாரோட நிம்மதியையும் பறிச்சிடுச்சி.. இப்போ புரியுதா நீங்க எவ்ளோ பெரிய தப்பு பண்ணி இருக்கிங்கன்னு" என்று முடித்தவள், "என்ன நான் சொல்றது சரி தானே..!" என்றவாறு அவனை பார்க்க..,
உறைந்துபோய் அவள் பேச்சில் லயித்திருந்தவன் தலையும் தன்னிச்சையாய் 'ஆம்' என்பதாக அசைந்தது.
இன்னொரு விஷயம் "நீங்க மறைச்சது யாரோ மூணாவது மனுஷனை பத்தி இல்லை என்னோட தாய் மாமாவை பத்தி.. ஹவ் டேர் யூ டு டூ சோ..?? நாளைக்கு நான் 'அண்ணி இல்லை வேதா, சர்வேஷ் பத்தின உண்மையை உங்ககிட்ட இருந்து மறைச்சா உங்களால ஏத்துக்க முடியுமா..?? என்று மேஜையை தட்டியவாறே எழுந்து அவன் அருகே வர.., அன்னிச்சையாய் அவனும் எழுந்து நின்றான்.
ஹாய் டியர்ஸ்....
சிலருக்கு இங்கு எதனால் அலர் எழிலுக்கு சண்டை என்ற குழப்பம் இருக்கலாம்... நான் இந்த கதையும் 'உயிரில் உறைந்த உறவே' கதையும் ஒரே நேரத்தில் நடைபெறுவது போல எழுதி இருந்தேன் அங்கு சரண் வாழ்வில் நிகழ்ந்த பல குழப்பங்களால் இங்கு இவர்களுக்குள் பலநேரம் முட்டிக்கொள்ளும் இதை மனதில் இருத்தி படிங்கள் குழப்பம் வராது.
நன்றிகள்..
