32. காத்திருந்தாய் அன்பே

Preethi pavi

Well-Known Member
#1
ஐயோ ஏ ராசா! எம்பேரனுக்கு இப்புடியா
ஆகணும்,நீ சாமியா இல்ல கல்லா?
நல்லவுகளுக்குதேன் நீ சோதனைய
குடுப்பியா?

அமிர்தம் பேரனை எண்ணி ஒப்பாரி
வைக்க,ஒரு புறம் காவியாவும், உமாவும்
அவரை தாங்கிக் கொள்ள, மறுபுறம்
மல்லிகா மயங்கி விழுந்து,அவருக்கு
ட்ரிப்ஸ் ஏறிக்கொண்டிருந்தது.

சற்று நேரத்திற்கு முன்,கதிரை மருத்துவ
மனையில் சேர்த்த கார்த்தியும்,ராஜ
பாண்டியும்,வீட்டிற்கு தகவல் கொடுக்க,
ராஜதுரை எந்த விவரமும் கூறாது
அனைவரையும் அவசரமாக மருத்துவ
மனைக்கு அழைத்து வந்திருந்தார்.

எல்லோருக்கும் குழப்பமாக இருந்தாலும்,
யாரும்,எதுவும் கேட்க வில்லை.
அடுத்த அரைமணி நேரத்தில் கார்
மருத்துவமனைவாயிலில் நிற்கவும்,ஒருவரை ஒருவர் பதட்டத்துடன் பார்த்துக் கொண்டே உள்ளேசெல்ல,
அங்கே கார்த்தியும்,ராஜாவும்
நிற்க,ராஜதுரை கார்த்தியை பார்க்க,
அவன் தீவிர சிகிச்சை பிரிவு அறை
வாயிலை நோக்கி கை காட்ட, அவர்
அங்கிருந்த கண்ணாடி தடுப்பின்
வழியே உள்ளே பார்க்க,வேகமாக
அவரை தள்ளிக்கொண்டு மல்லிகா
உள்ளே பார்க்க, கதிர் அங்கே மருத்துவமனை உடையுடன் படுத்திருக்க,உயிர் காக்கும்
கருவிகள் உடலில்
பொருத்தப்பட்டிருக்க,
மூக்கிற்கு உயிர்வளி குழாய் பொருத்தப்பட்டிருக்க, சுற்றி நின்று
மருத்துவர்கள் சிகிச்சை அளித்துக்
கொண்டிருந்தனர்.

ஐயோ, கதிரு! எங்கண்ணு ஒனக்கு
என்னல ஆச்சு என மல்லிகா பொருங்குரலெடுக்க,வேகமாக
ராஜதுரை அவரை அணைத்து
பிடித்து,

மல்லி,கத்தாதமா,அழுகாத,நம்ம
மயனுக்கு ஒன்னும் ஆகாதுல,அவன்
சிங்கக்குட்டி,நல்ல மாதிரி திரும்பி
வந்துருவான் என ஆறுதல் படுத்த,

ஆனால்,பெத்த மனம் இல்லையா?
அடங்க மறுத்தது. என்னங்க,
எம்மயனுக்கு என்ன ஆச்சு சொல்லுங்க,அவன் இல்லையினா நா உயிரோட இருக்கறதுல என்ன அர்த்தம் இருக்கு,சாமி அவனுக்கு
வந்த ஆபத்து எனக்கு வந்துருக்கக்
கூடாதா? என கணவரின் சட்டையை
பிடித்து உலுக்கியவாறே மயங்கி
சரிந்தார்.

அதிர்ச்சியடைந்து அனைவரும் அவரை
தூக்குவதற்குள்,ராஜதுரை,மல்லிகாவை
தூக்கிக் கொண்டு,மருத்துவர் அறையை
நோக்கி ஓடினார்.

மல்லி,மல்லி நம்ம மயனுக்கு ஒன்னும்
இல்லலே,நீயி எந்திருச்சி வா மல்லி,
நீயி இல்லாம நானும்,நம்ம
புள்ளைகளும இல்லமா, என கலங்கிய கண்களுடன் கூறிக் கொண்டிருக்க,

மருத்துவர் அறையிலிருந்த வாங்கிலில்
படுக்க வைக்க,மல்லிகாவை மருத்துவர்
பரிசோதித்து விட்டு,அதிர்ச்சியின்
காரணமாக இரத்த அழுத்தம் உயர்ந்து
மயங்கியிருக்கிறார்.இன்னும் அரை
மணி நேரத்தில் எழுந்து விடுவார் என
கூறி,ஒரு ட்ரிப்ஸை ஏற்றி விட்டுச்
செல்ல,

ராஜதுரை அப்படியே மடங்கி அமர்ந்து
விட்டார்.உமா வந்து அப்பா என அவர்
தோள் மீது கை வைக்க,அவள் கையை
பிடித்துக் கொண்டு அழ
ஆரம்பித்துவிட்டார்.

ஒரு புறம் மனைவி,மறுபுறம் மகன் என
அவர் கலங்கி நிற்க,எதற்கும் கலங்காத
அவரே கலங்கி நிற்கவும்,வீட்டிலுள்ள
அனைவரும் கலங்கி விட்டனர்.

தாத்தா மட்டும் மகன் அருகே வந்து
டேய்! தொர, எதுக்குல இப்ப பொம்பள
மாதிரி ஒப்பாரி வைக்கி,எம்பேரன
எவன்னாலயும் அழிக்க முடியாதுல,
அவன் மறுபடியும் எழுந்திரிச்சு
வருவான் பாருல என அதட்ட,

செல்லதுரையும்,ஆமாண்ணே அப்பா
சொல்றது தேன் சரி,நம்ம கதிருக்கு
ஒன்னும் ஆகாது என சமாதானம்
செய்தார்.

இதையெல்லாம் காண சகிக்காத
அமிர்தம்,தரையில் அமர்ந்து ஒப்பாரி
வைக்க ஆரம்பித்துவிட்டார்.

இங்கே நிலா வீட்டில், அம்சவேணியின்
அலறலைக் கேட்டு வேகமாக ஓடி வந்த
மது,

என்னாச்சுமா! ஏன் இப்புடி கத்துற என
ஓடி வர,நிலாவும் பின்னே ஓடி வந்தாள்.

ஏலே மது! எம்மருமவேன் கதிருக்கு
வண்டி மோதி அடிபட்டருச்சாமுடி என
கதற,

என்னம்மா சொல்ற என மது பதறினாள்.
என்ன தான் அவனை பிடிக்காது,பழி
வாங்க வேண்டும் என கங்கனம்
கட்டிக் கொண்டு அலைந்தாலும்,
ஒரு உயிர் போராடுவதைப் பார்த்து
மகிழ்ச்சியடையும் பெண் அவள் அல்ல.

வேகமாக சென்று தன் தந்தைக்கு
அழைத்து விவரத்தைக் கூற,அடுத்த
பத்து நிமிடங்களில் துரைராசு அறக்க,
பறக்க வீட்டிற்கு ஓடி வந்தார்.

அந்த நேரத்தில்,மச்சினன்கள் மேலுள்ள
கோபமோ,வெறுப்போ அவர் கண்ணுக்கு
புலப்பட வில்லை.தன் தங்கை மகன்
உயிருக்கு போராடும் செய்தி மட்டுமே
அவரது செவிகளில் ஒலித்துக் கொண்டிருந்தது.

இந்த கலக்கத்தில் நிலாவை யாரும்
கவனிக்க வில்லை. துரை வேகமாக
காரை எடுக்கவும் பதற்றத்துடன்
அம்சாவும்,மதுவும் ஏறிக் கொள்ள
கார் மருத்துமனையை நோக்கிச்
சென்றது.

கதிருக்கு விபத்து என்பது மட்டுமே
நிலாவின் காதுகளை எட்டியது.
அதன் பிறகு என்ன பேசினார்கள் என
அவள் காதுகளுக்கு எட்டவில்லை.

எப்படி தன் அறைக்கு வந்தாள் என்பது
கூட அவள் அறியவில்லை.பித்து
பிடித்தவள் போல தன் தலைமுடியை
பற்றிக் கொண்டு தரையில் அமர்ந்தவள் மனதில் பல்வேறு எண்ண ஓட்டங்கள்.

கிணற்றில் விழுந்தபோது அவள்
உயிரை காப்பாற்றியது,தன் பின்னே
சுற்றி வம்பு செய்தது,தன் காதலை
உணர்வு பூர்வமாக சொல்லியது,
திடீரென ஒரு நாள் பிடிவாதம் செய்து
திருமணம் செய்தது, அவனை பிரிந்து
இவள் தவித்தது,அன்று ஒரு நாள்
தனக்கு எப்போது வேண்டுமானாலும்
எது வேண்டுமானால் நடக்கலாம் என
கூறியது,இன்று மாலையில் விடை
பெற மனமில்லாமல் அவன் தவித்து
நின்றது என மாறி,மாறி
மனத்திரையில் ஓட,

"இல்லை" என சிலைக்கு உயிர் வந்தது
போல அலறிக் கொண்டு எழுந்தவள்,
வேகவேகமாக வாழைக்கொல்லை
பக்கமாக ஓட,

தூரத்தில் அவளை கண்டுவிட்டு,தேனு
பின்னாலே அவளை அழைத்துக்
கொண்டு ஓடினாள்.

நிலாவின் நிலையை நினைத்துப்
பார்த்த ராஜா,தேனுவிற்கு அழைத்து
அவளை பார்த்துக் கொள்ளுமாறு
கூறியிருந்தான்.

அவளை பார்க்க வேகமாக வந்த தேனு
அவள் வேகமாக வாழைக்கொல்லை
பக்கமாக செல்வதை கண்டவள்
தானும் பின்னால் ஓடினாள்.

வேகமாக நடந்த நிலா அய்யனார் கோவிலை அடைந்தாள்.

"தேரா மன்னா செப்புவது உடையேன்"
என கணவனின் மரணத்திற்கு நீதி
கேட்டு,தன் காற்சிலம்பை கையில்
ஏந்தி பாண்டிய அரசவைக்கு கண்ணகி
சென்றால் எனில்,

இந்த நவீன கண்ணகியோ, தன் கணவனின் உயிர் காக்க அய்யனாரிடம்
நீதி கேட்டு ஆவேசமாக வந்திருக்கிறாள்.

"நீயெல்லாம் கடவுளா! இந்த கலியுகத்துல
கடவுள் கூட கல்லாத்தான் போனியளா!
ஒன்னய நம்பி,ஒனக்கு முன்னால தானே
அந்த மனுசேன் எங்கழுத்துல தாலி
கட்டுனாரு,எங்க புனிதமான பந்தத்துக்கு
நீ மட்டுந்தான சாட்சி.குலத்த காக்குற
குலதெய்வமா ஒன்ன வணங்குனதுக்கு
நீ அந்த குலத்தையே காப்பாத்த முயற்சிக்கலையே!

ஊரு சனம் வயித்துல அடிச்சு உடம்பு
வளத்து கிட்டு, தட்டிக்கேட்டாக்க ,
அதிகாரத்தையும், ஆட்சியையும்
கையில வச்சிக்கிட்டு அவங்களை
அழிக்கிறதும்,நீதிய விலைக்கி வாங்கி
அராஜகம் செய்யிற அந்த கூட்டத்த
அழிக்க தானே எம்புருசேன்
போராடுனாரு,அவரு பண்ணுனதுல
என்ன தப்பு?

நீங்களும் கேட்கமாட்டிங்க,
கேட்குறவங்களுக்கும் சாதகமா
இருக்க மாட்டிங்க அப்புடித்தானே?
ஓ! நீங்க எப்புடி இருப்பீங்க,அவனுங்க
சம்பாதிக்கிற ஊழல் பணத்துல
கால்வாசிய தேன் உங்கள மாதிரி சாமிகளுக்கு,குடமுழுக்கு,அன்னதானம்,
அபிசேகம், வேண்டுதல்னு செலவு செஞ்சுடுறாங்களே,பின்ன நீங்க இப்புடி
நல்லவனங்கள தேன் சோதிப்பீங்க.

எம்புருசனுக்கு மட்டும் எதுவும் ஆனுச்சு,
இங்கனயே,ஒங்கண்ணு முன்னாடியே
ஏ உசுர வுட்டுருவேன்.இது என் தாலி
மேல சத்தியம் என ஆத்திரத்தில்
ஆரம்பித்து,அழுகையில் முடித்தாள்.

அங்கே,மருத்துவ மனையில் மல்லிகா
கண் விழிக்க,அப்போது தான் துரைராசு
உள்ளே நுழைந்தார்.அறையை விசாரித்து
உள்ளே செல்ல,அங்கே ராஜதுரையைக்
கண்டு மச்சான் என அழைக்க,

அவரும் துரைராசுவின் கைகளை பற்றிக்
கொண்டு மச்சான் என அழ ஆரம்பிக்க,

மாப்புளக்கி ஒன்னும் ஆகாது மச்சான்
என அவரை அணைத்து ஆறுதல் படுத்தினார்.

மல்லிகா அப்போது எழுந்து வெளியே
வர தன் தமையனைக் கண்டு விட்டு,
அண்ணே! மதனி!என கதறிக்கொண்டே
அவர்களின் அருகில் வர அம்சா
அவரை அணைத்து ஆறுதல் படுத்தினார்.

அங்கு,ஒரு பாசப்போராட்டம் அமைதியாக
நடந்து கொண்டிருந்தது.வெளியே வந்த
மருத்துவர்,கை எலும்பு முறிந்திருப்பதாகவும், காலில் நரம்பு
பிசகியிருப்பதாகவும்,அதற்கும் மேலே
தலையில் பலத்த அடியினால்,
மூளையில் ரத்தம் உறைந்திருப்பதாகவும்,அதற்கு
சிகிச்சை அளித்திருப்பதாகவும்,24
மணி நேரம் கழித்தே எதுவும் கூற
முடியும் என சொல்லி விட்டார்.

மீண்டும்,அங்கே ஒரு அழுகை
போராட்டம் நடைபெற்று,பின் ஒருவருக்கொருவர்
ஆறுதல் அளித்துக் கொண்டனர்.

நிலாவை தொடர்ந்து வந்த தேனு
இருட்டுக்குள் அவளைக் காணாமல்
தேடி வர கோவிலில் அழுகை குரல்
கேட்கவும் ஓடி வந்து,தன் தோழியைப்
பார்த்தாள்.அவளின் நிலைக்கண்டு
அதிர்ந்து ,பின் அணைத்துக்கொண்டு
அழுகையுடனே,ஆறுதல் அளித்தாள்.

தேனு,நிலாவை வீட்டிற்கு அழைக்க,
அவள் வர மறுத்துவிட்டாள்.
ராஜாவிற்கு அழைத்த தேனு,கதிரின் நிலையைக் கேட்க,அவளிடம்
விவரத்தைக் கூறியவன்,நிலாவைப்
பற்றி விசாரிக்க,அவளும் நிலாவின் நிலையைக் கூறினாள்.

அவளை கவனமாக பார்த்துக் கொள்ளுமாறும்,அங்குள்ள நிலவரத்தை
அடிக்கடி அழைத்து சொல்வதாகவும்
கூறி வைத்தான்.

அழுது ஓய்ந்த நிலா,விடிந்தவுடன்
குளித்து விட்டு கோவிலுக்கு வந்தவள்
இரண்டு கைகளிலும் தீபத்தை ஏந்தி
அன்று முழுவதும் அங்கேயே
அமர்ந்திருந்தாள்.தேனுவும்,கோவிலுக்கு
செல்வதாக கூறி விட்டு,இங்கு வந்து
நிலாவுடனே இருந்தாள்.

மாலையில்,மண்சோறு உண்டு,
அய்யனாரை வேண்டிக் கொண்டு
விபூதியை எடுத்துக் கொண்டு நிலா
வீடு வர,கதிர் கண் விழித்த செய்தியும்
வர,கண்ணீருடன் அய்யனாருக்கு
நன்றி கூறினாள்.

24 மணிநேரம் தாண்டி கதிர் கண்
விழிக்க, ஒவ்வொருவராக அவனை
பார்த்து வந்தனர்.பெரியவர்கள்
யாரும் உண்ணாமல்,உறங்காமல்
இருந்தனர்,மேலும் இருவர் மட்டுமே
உடன் இருக்க முடியும் எனக் கூறவும்,

பூபதி,கதிருடன் இருப்பதாகக் கூறவும்,
அனைவரும் மறுக்க, எல்லோரையும்
வலுக்கட்டாயமாக வீட்டிற்கு அனுப்பி
விட்டு,கார்த்தியும்,அவரும் கதிருடன்
தங்கினர்.

இங்கு,நிலாவோ கணவனை ஒரு முறையாவது கண்ணில் கண்டுவிட வேண்டும் என உள்ளம் துடித்து அமர்ந்திருக்க,அப்போது தான்
எல்லோரும் வீட்டிற்கு
வந்திருந்தனர்.

வீட்டிற்குள் நுழைந்த அம்சா,நிலாவின்
தோற்றத்தைக் கண்டு அதிர்ந்து விட்டார்.

இளா,என்னடா ஆச்சு இப்புடி உக்காந்துருக்க.

சுதாரித்த தேனு,அத்தை அவளுக்கு
ரெண்டு நாளா காய்ச்சல்,நா
பாத்துகிட்டேன் நீங்க கவலப்படாதீக,அண்ணே,இப்ப
எப்புடி இருக்காக என கேட்க,

இப்ப பரவாயில்லை தேனு,ஒன்னும்
பயப்படுற மாதிரி இல்லை.ஆனால்,
கை,கால் முறிவு இருக்குறதால,மூனு
மாசத்துக்கு நடக்க முடியாதாம் எனக்
கூற,

நிலாவுக்கு நெஞ்சடைத்தது.அன்று
கல்லூரி விழாவில்,அவனது மிடுக்கான
நடையையும்,கம்பீரமான பேச்சையும்
நினைத்து அனலில் இட்ட புழுவாக
மனம் துடித்தது.

இந்த நேரத்தில் அவன் அருகில் நாம்
இருக்க முடியவில்லையே என
எண்ணினாள்.

அதுவும் நடக்க முடியாத இந்த சூழலில்
அவனது தேவைகளை கவனிக்க,
பார்த்துப் பார்த்து பராமரிக்க ஆயிரம்
பேர் இருந்தாலும்,மனைவி என்ற ஒருத்தி அருகில் இருப்பது போல் வராதே என
தன் இயலாமையை எண்ணி மனம்
வெம்பினாள்.

தன் அறைக்குள் சென்று,வெடித்து அழுதாள்.சிறிதுநேரத்தில் அறைக்கதவு
தட்டப்படும் சத்தத்தில் கண்களை துடைத்துக் கொண்டு திறக்க,ராஜா
நின்றிருந்தான்.

"அண்ணா " என அழுதவளை காண
சகிக்கவில்லை.இரண்டு நாளிலே
வாடி களைத்த தோற்றமும்,உறக்கம்
தொலைத்த கண்களும்,அவள் கதிரை
எவ்வளவு நேசிக்கிறாள் என
சொல்லாமல் சொல்லியது.

கதிர் நலம் பெற்றவுடன்,இருவருக்கும்
திருமணம் செய்வது பற்றி வீட்டில் பேச
வேண்டும் என நினைத்துக் கொண்டு,
அவளுக்கு ஆறுதல் சொல்லி உறங்க
வைத்து விட்டு வந்தான்.

காலையில் அன்னையிடம் கூறிவிட்டு,
நிலாவையும்,தேனையும் அழைத்து
கொண்டு மருத்துவ மனைக்குச்
சென்றான்.

கார்த்தி சற்று முன்,வீட்டிற்கு சென்றிருக்க,
மல்லிகா அங்கு இருந்தார்.
வா இளா,என அழைத்தவர்,மருத்துவர்
அழைத்ததாக சொல்லி சென்று விட,
ராஜாவும்,தாத்தாவும் வெளியே இருந்த
நாற்காலியில் அமர்ந்து கொள்ள நிலாவும்,
தேனுவும் உள்ளே சென்றனர்.
 

Preethi pavi

Well-Known Member
#2
கதிர் கண்களை மூடி படுத்திருக்க,கை,
கால்,தலை என கட்டு கட்டிருக்க,
கால் உயரமாக தொட்டிலில் கட்டி
தொங்கிக் கொண்டிருந்தது.

ஆள் வரும் அரவத்தில்,கதிர் கண்
விழித்து பார்க்க,அவர்களுக்கு தனிமை
கொடுக்க வேண்டி,அழைப்பு வராத
அலைபேசியை காதில் வைத்துக்
கொண்டு தேனு வெளியேறினாள்.

கதிர் மெதுவாக நிலாவைப் பார்க்க,
அவளும் அவனைத் தான் மேலிருந்து
கீழ் வரை காயங்களை பார்த்துக்
கொண்டிருந்தாள்.

"நிலா" என அவன் மெதுவாக அழைக்க,

கண்ணீரை உள்ளிளுத்துக் கொண்டு,
அருகில் இருந்த நாற்காலியில் அமர்ந்து
அவன் காயங்களை வருட,அவளை மீறி
கண்ணீர் அவன் காயங்களை நினைக்க,

நிலா,அழாதடா என்றான் மெல்லிய
குரலில்.

பேசாத,அன்னைக்கி எனக்கு என்ன
வேணா ஆகலாம்,ஆகலாமுனு
சொல்லிக்கிட்டே இருந்தியே,அதான்
இப்புடி ஆகிருச்சு.நா எப்புடி துடிச்சுப்
போய்ட்டேன் தெரியுமா? அன்னக்கி நீ
பேசிக்கிட்டு போனதுலருந்து எனக்கு
மனசே சரியில்லை.

உனக்கு என்ன ஆச்சோனு பதறிப்
போய் அண்ணன்கிட்ட சொல்லி,
பார்த்துட்டு வர சொன்னேன்.அண்ணன்
வந்து பார்த்தப்ப தான் இப்புடி என
சொல்ல முடியாமல் அவள் அழுக,

அவள் காதலின் ஆழத்தை உணர்ந்தவன்,
பெருமிதம் கொண்டான். அவள் மட்டும்
அன்று ராஜாவை அனுப்பி இருக்கா
விடில்,இன்று அவனது உயிர் என்ன
ஆகியிருக்குமோ,அதை விட இவள்
நிலை என்ன ஆகியிருக்குமோ என
எண்ணி கலங்கினான்.

அவளது மனநிலையை மாற்ற எண்ணி,
அதான் உன் கழுத்துல உறுதியா
மூனு முடிச்சு போட்டு இருக்கேன்ல,
அந்த பவர் என்னைய காப்பாத்திரும்,
இல்லையினா சாவித்திரி மாதிரி
எம்பொண்டாட்டி எமன் கிட்ட இருந்து
என்னைய காப்பாத்திருவாங்குற
நம்பிக்கை தான் என்று கிண்டலாக
சொன்னாலும்,காதலாகவே அவனது
குரல் ஒலித்தது.

நா, எவ்வளவு வருத்தமா சொல்றேன்
உனக்கு கிண்டலா இருக்கா,பாவி என்
இடத்துல நீ இருந்தா தெரிஞ்சிருக்கும்
என செல்லமாக அவன் நெஞ்சில்
குத்த,

ஐயோ,நிலா வலிக்குதே!என அவன்
கத்த,

ஐயோ மாமா என்னாச்சு என அவள்
பதற,

நீ எங்க வேணா அடி,அங்க அடிக்காத
அங்க தான் என் பொண்டாட்டி
இருக்கா.அவளுக்கு வலிக்கும் என
பரிதாபமாக கூறி குறும்பாக
கண்ணடித்தான்.

" சரியான பொய்யன்" உனக்கு
வலிக்கும்னு சொல்லேன்,அதுக்கு
ஏன் ஐஸ் வைக்கிற.

உண்மையிலே தாண்டி,நா வேணா
உனக்கு குத்தி பாத்து சொல்லவா?

அவன் கூறியதன் அர்த்தம் உணர்ந்தவள்,நாணத்துடன்,பொய்யாக
அவனை முறைத்துவிட்டு,

பொறுக்கி,பேச்சைப் பாரேன்,நேத்து
வாயில ஈ போனது தெரியாம
இருந்துட்டு,இப்ப பேச்சப் பாரு.
முதல்ல உன் வாயில தான் குத்தனும்
என அவள் கை ஓங்க,

அவன் பயப்படுவது போல பாவனை
செய்ய,கையை அருகில் கொண்டு
சென்றவள்,அவன் முகத்தை தாங்கி
மென்மையாக நெற்றியில் இதழ்
பதித்தாள்.

"நேற்றைய துன்பம் இவர்களை
விட்டு தள்ளிச் சென்றது....

இன்றைய இன்பம் இவர்களை
அள்ளி அணைத்துக் கொண்டது...

நாளை என்ன வைத்து வாழ்க்கை
காத்திருக்கிறதோ?நானறியேன்"


என விளையாட்டாய் சிரித்துக்
கொண்டது விதி,இவர்களைப் பார்த்து.
 

Preethi pavi

Well-Known Member
#3
சாரி பிரண்ட்ஸ்,தாமதமான பதிவு,
மற்றும் தாமதமான ரிப்ளை இரண்டிற்கும் மன்னிச்சு.தொடர்ந்து உங்கள் ஆதரவை தருமாறு கேட்டு
கொள்கிறேன்.
 
#10
கதிரவன் உயிர் பிழைச்சும்
இன்னும் என்னம்மா இவங்க
வாழ்க்கையில விதி விளையாடி
கும்மியடிக்குது, ப்ரீத்தி டியர்?
 
Last edited:

Latest profile posts

ஹாய் என் சுவாசமே next எபி போட்டுட்டேன் மறக்காம கமெண்ட் பண்ணிடுங்க pls
ஹாய் ப்ரண்ட்ஸ் கூண்டுக்குள் ஒரு காதல்கிளி அடுத்த பதிவு போட்டுட்டேன் .. படிச்சிட்டு உங்க கருத்தை சொல்லிருங்க ப்ரண்ட்ஸ்
ஆண்: உயிரணு முழுவதும் உனை பேச...
உனை பேச..
இமை தொடும் நினைவுகள் அனல் வீச...
அனல் வீச...
ஓ.. நெனைச்சாலே செவப்பாகும் மருதாணித் தோட்டம் நீ....
தலைவைத்து நான் தூங்கும் தலகாணி கூச்சம் நீ....

பெண்: எனதிரவினில் கசிகிற நிலவல்ல நீ... படர்வாய்...
நெருங்குவதாலே நொறுங்கிவிடாது இருபது வருடம்...
ஹா... தவறுகளாளேயே தொடுகிற நீயும்... அழகிய மிருகம்...
NR எபி இருக்கு friends.

Sponsored